پاکستانی ڈرامہ انڈسٹری کی معروف اداکارہ حرا مانی ایک ہفتے بعد کورونا سے مکمل طور پر صحتیاب ہوچکی ہیں ۔

اداکارہ حرا مانی نے اپنے انسٹاگرام اکاؤنٹ پر نئی تصاویر کے ساتھ اپنے صحتیاب ہونے کے متعلق بتایا ہے۔

اداکارہ نے اپنے پوسٹ میں تمام خیر خواہوں اور دعا کرنے والوں کا شکریہ ادا کیا ہے اور کہا ہے کہ وہ اب وہ کورونا سے مکمل طور پر صحتیاب ہیں۔

اس پوسٹ کے ساتھ ہی انہوں نے اپنی اور مانی کی سمندر پر لی جانے والی تصاویر بھی شیئر کی ہیں۔

ان تصاویر کو دیکھ کر اندازہ لگایا جاسکتا ہے کہ وہ  اور مانی کورونا سے آزادی کا جشن منارہے ہیں۔

خیال رہے کہ گزشتہ ہفتے اداکارہ حرا مانی نے اپنے ایک پوسٹ کے ذریعے اپنے کورونا ٹیسٹ مثبت آنے کی خبر سنائی تھی۔

اس پوسٹ کو جاری کرتے ہوئے اداکارہ نے  اپنے لئے دعاؤں کی اپیل بھی کی تھی اور سب سے حفاظتی اقدامات کرنے کی درخواست کی تھی۔

اس دوران وہ اپنے مرحوم والد اور بچوں کو یاد کرتی رہی اور مختلف پوسٹ ڈالتی رہیں۔