بھارتی اداکار شاہ رخ خان کے  گھر ’منت‘ کو بم سے اڑانے کی دھمکی دینے والے شخص کو گرفتار کرلیا گیا ہے۔

اس حوالے سے جاری رپورٹس کے مطابق مہاراشٹرا پولیس کا کہنا ہے کہ رواں ماہ کی 6 تاریخ کو گمنام کال کے ذریعے ممبئی شہر میں مختلف مقامات پر دھماکے کرنے کی دھمکی دی گئی تھی۔

ان مقامات  میں اداکار شاہ رخ خان کے گھر ’منت‘  کو بھی نشانہ بنانے کے متعلق بتایا گیا تھا ۔

اس حوالے سے پولیس کا کہنا یہ دھمکی آمیز فون کال جبل پور سے موصول ہوئی تھی جو کہ  موبائل نمبر سے کی گئی تھی۔

پولیس کے مطابق اسی نمبر کی مدد سے ایک جیتیش ٹھاکر نامی شخص کو گرفتار کیا گیا ہے اور اس پر مختلف مقدمات بھی درج کیے گئے ہیں۔

اس شخص کے متعلق پولیس کا کہنا ہے کہ جیتیش عام طور پر شرابی ہے اور نشے کی حالت میں اس قسم کی کالز بھی کرتا  اور دھمکیاں دیا کرتا ہے۔

خیال رہے کہ بالی ووڈ کے کنگ خان کے عالیشان بنگلے کا نام ’منت‘ ہے جو کہ ممبئی شہر کی بہترین لوکیشن پر موجود ہے اور شہر کی خوبصورت عمارتون میں سے ایک ہے۔