اپنے گانوں اور علی ظفر پر ہراسانی کا الزام لگانے والی گلوکارہ میشا شفیع ہر سال کتنا کما لیتی ہیں اس کا جواب انہوں نے خود ہی دے دیا ہے۔

لاہور کی سیشن عدالت میں میشاء شفیع کے خلاف علی ظفر کے ایک ارب روپے کے ہتک عزت دعوے کی سماعت ہوئی۔

علی ظفر کے وکلا حشام احمد خان اور عمر طارق گل کی میشا شفیع سے ان کے بیان پر جرح کی۔

دوران جرح میشا شفیق نے بتایا کہ انہوں نے نیشنل کالج آف آرٹس سے فائن آرٹس میں گریجویشن کی ہے۔

میشا شفیع نے بتایا کہ وہ کینیڈا کی مستقل رہائشی ہیں لیکن شہری نہیں، ان کی آمدنی کا ذریعہ پاکستان ہی ہے، کینیڈا میں ٹیکس دیتی ہیں اور پاکستان میں بھی باقاعدگی سے ٹیکس کی ادائیگی کرتی ہیں۔

میشا شفیع نے بتایا کہ 2020 اور 2021 میں 30 سے 35 لاکھ روپے سالانہ کمایا ، 2019 میں میری کمائی ایک کروڑ روپے تھی۔

گلوکارہ نے مزید کہا کہ پیپسی سے ان کا ہر سال معاہدہ ہوتا ہے، اسی معاہدے کے تحت وہ پیپسی کے شو میں جج تھیں۔

واضح رہے کہ میشا شفیع نے علی ظفر پر ہراسانی کا الزام لگایا تھا ۔ جس پر علی ظفر نے عدالت میں ان کے خلاف ہتک عزت کا دعویٰ دائر کیا ہے۔