ترکی کی مقبول ترین ڈرامہ سیریز کورلش عثمان کی نئی قسط نشر نہ ہونے کی وجہ سامنے آگئی ہے۔

ڈرامے کی پروڈکشن کمپنی بوزداغ فلم کے ٹوئٹر پیج پر جاری بیان کے مطابق کورونا وائرس کے کیسز میں اضافے کو نئی قسط نشر نہ ہونے کی وجہ بنائی  ہے۔

بیان میں بتایا گیا ہے کہ کورلش عثمان اور اسی کمپنی کے ایک اور ڈرامے داستان کے سیٹس پر کچھ افراد میں کووڈ 19 کی تشخیص ہوئی ہے جس کے نتیجے میں دیگر افراد کے تحفظ کے لئے ان کی شوٹںگ کو روک دیا گیا ہے اور کورلش عثمان اور داستان کی نئی اقساط تاخیر کا شکار ہوگئی ہیں۔

اس ٹوئٹ میں دونوں ڈراموں کی نئی اقسام کو نشر کرنے کی تاریخ کا اعلان بھی کیا گیا۔

اس ڈرامے کی نئی قسط 5 جنوری کو نشر نہیں ہوئی اور اسے 12 جنوری کو بھی نشر نہیں کیا جائے گا لیکن اعلان کے مطابق اب نئی قسط 2 ہفتے تاخیر کے بعد 19 جنوری کو نشر کی جائے گی جبکہ داستان اس سے ایک دن پہلے یعنی 18 جنوری کو نشر ہوگا۔

‘Destan’ 18 Ocak Salı ve ‘Kuruluş Osman' 19 Ocak Çarsamba akşamı yeni bölümleriyle atv ekranında olacak. pic.twitter.com/0iTXjjYppO

— Bozdağ Film (@bozdagfilm) January 5, 2022

واضح رہے کہ کورلش عثمان کو ترکی میں سب سے زیادہ پسند کیا جانے والا ڈراما تصور کیا جاتا ہے جو دیگر تاریخی ڈراموں کے مقابلے میں بھی سب سے زیادہ ریٹنگ حاصل کررہا ہے۔