بھارتی اداکارہ عالیہ بھٹ نے اپنے مداحوں کو نئی فلم گنگوبائی کاٹھیواڑی کی ریلیز کی تاریخ بتادی۔

عالیہ بھٹ نے فوٹواینڈ ویڈیو شیئرنگ ایپ انسٹاگرام پر چند تصاویر شیئر کی ہیں۔

اداکارہ کو ان تصاویر میں کُھلی فضاء میں کھڑے آسمان کی جانب دیکھتے ہوئے دیکھا جا سکتا ہے ۔

اُنہوں نے تصاویر شیئر کرتے ہوئے لکھا کہ دیکھو چاند آیا، چاند نظر آیا، گنگو بھی آرہی ہیں 25 فروری کو۔

خیال رہے کہ اداکارہ عالیہ بھٹ کی یہ فلم پہلے جولائی 2021 میں ریلیز کی جانی تھی لیکن عالمی وباء کورونا وائرس کی وجہ سے تاخیر کا شکار ہوگئی۔

اس فلم میں عالیہ بھٹ کے ساتھ اداکار اجے دیوگن بھی اداکاری کے جوہر دِکھاتے نظر آئیں گے۔