پاکستان کی ابھرتی ہوئی اداکارہ دنانیر مبین کی تصاویر سوشل میڈیا پر وائرل ہو گئی ہیں۔

دنانیر نے فوٹو اینڈ ویڈیو شئیرنگ ایپ انسٹاگرام پر اپنی تصاویر پوسٹ کی ہیں جسے مداحوں کی جانب سے بہت پسند کیا جارہا ہے۔

انسٹاگرام پر شئیر کردہ تصاویر میں دیکھا جاسکتا ہے کہ اداکارہ اس لباس میں بہت ہی حسین لگ رہی ہیں۔

اس تصویر پر تاحال ہزاروں لائیکس اور تعریفی کامنٹس آچکے ہیں۔

اس سے قبل دنانیر نے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو پوسٹ کی تھی۔

انسٹاگرم پر دنانیر نے زندگی گزارنے کے لئے آسان طریقے اپنانے کا مشورہ دیا تھا جسے مداحوں کی جانب سے  پسند کیا گیا تھا ساتھ ہی ان کی خوبصورتی کی بھی تعریف کی جا رہی تھی۔

گزشتہ دنوں دنانیر مبین کی جانب سے پوسٹ کی جانے والی ویڈیو میں وہ مشہور بالی ووڈ گانا کھوگئے ہم کہاں گنگناتی نظر آرہی تھیں۔

دنانیر نے ویڈیو کی کیپشن میں لکھا تھا کہ میں ایک طویل عرصے سے یہ گانا گنگنانے کا سوچ رہی تھی اور آخرکار میں نے گنگنا لیا۔

گزشتہ ماہ سوشل میڈیا پر ایک مختصر ویڈیو وائرل ہوئی تھی جس میں ایک دنانیر نامی نوجوان لڑکی پاکستان کے شمالی علاقے نتھیا گلی میں اپنے دوستوں کے ساتھ موجود تھیں اور وہاں اُس نے صرف یہ تین جملے کہے تھے۔

یہ ہماری کار ہے، یہ ہم ہیں اور یہاں پاوری ہورہی ہے۔

دنانیر کا یہ انداز سوشل میڈیا صارفین کو اس قدر بھایا کہ رات و رات اس پر سینکڑوں ویڈیوز بنا ڈالیں اور صرف پاکستان ہی نہیں سرحد کے اُس پار بھارت میں بھی بالی ووڈ اسٹارز پاوری کرنے لگے۔