پاکستان کی نامور اداکارہ عائزہ خان آج اپنی 31ویں سالگرہ منارہی ہیں جس کی تصاویر بھی پوسٹ کی ہیں۔

اداکارہ نے اپنے انسٹاگرام اکاؤنٹ پر کچھ تصاویر شیئر کی ہیں جس میں وہ اپنی فیملی کے ہمراہ سالگرہ مناتی ہوئی نظر آرہی ہیں۔

ان تصاویر کو شیئر کرتے ہوئے اداکارہ عائزہ خان نے اپنے تاثرات کا بھی اظہار کیا ہے ۔

اداکارہ کا کہنا ہے کہ مجھے اس سے زیادہ کسی چیز کی خواہش نہیں ہے کیونکہ میری فیملی نے مجھے ہمیشہ سپورٹ کیا ہے اور میرا ساتھ دیا ہے۔

ان کا کہنا ہے کہ میں اپنی فیملی کی طرف سے تمام تر توجہ اور خیال، تمام تحائف اور نیک خواہشات کے لئے شکر گزار ہوں۔

دوری جانب اداکار دانش تیمور نے اپنی اہلیہ کو انوکھے انداز میں سالگرہ کی مبارکباد پیش کی ہے۔

اداکار نے اپنے پوسٹ میں لکھا ہے کہ سال گزرتے ہیں، وقت بدلتا ہے اور اس کے ساتھ ہی ہمارا ایک دوسرے کے لئے پیار بڑھتا ہے ۔

اداکار نے عائزہ خان کو اپنی زندگی میں شامل ہونے پر شکریہ ادا کیا ہے اور سالگرہ کی مباکرباد پیش کرتے ہوئے محبت کا اظہار بھی کیا ہے۔