پاکستانی گلوکارہ عروج آفتاب نے امریکا میں بڑا اعزاز اپنے نام کرلیا۔

گلوکارہ نے فوٹو اینڈ ویڈیو شئیرنگ ایپ انسٹاگرام پر یہ پوسٹ شئیر کرتے ہوئے اپنے مداحوں کو یہ خوشخبری دی ہے۔

کوچیلا فیسٹول میں پرفارم کرنے والوں کی فہرست میں پہلی بار ایک پاکستانی گلوکارہ عروج آفتاب بھی شامل ہوئی ہیں۔

عروج آفتاب کو پاکستان کی معروف اداکارہ ماہرہ خان، میشا شفیع اور فیصل کپاڈیہ سمیت کئی ستاروں نے کوچیلا میں گانے کے لئے نامزد ہونے پر مبارکباد دی ہے۔

امریکی میوزک اور آرٹس فیسٹیول کوچیلا دنیا کے مقبول ترین میوزک فیسٹیولز میں سے ایک ہے۔

 یہ فیسٹیول 15 اپریل کو کیلیفورنیا میں شروع ہوگا جس میں بیلی ایلش، کانیے ویسٹ اور ہیری اسٹائلز جیسے معروف گلوکار  پرفارم کریں گے۔

واضح رہے کہ عروج آفتاب گریمی ایوارڈز میں بہترین نئے آرٹسٹ کے لئے بھی نامزد ہونے والی پہلی پاکستانی گلوکارہ ہیں۔

گریمی ایوارڈز کی تقریب 31 جنوری 2022 کو ہونے والی ہے۔

اس سے قبل اوباما نے بھی عروج آفتاب کے گانے کو اپنے بہترین گانوں کی فہرست میں شامل کیا تھا۔

پاکستانی گلوکارہ نے حفیظ ہوشیارپوری کی مشہور زمانہ غزل محبت کرنے والے کم نہ ہونگے میں اپنی سُریلی آواز کا جادو جگایا تھا جس سے براک اوباما بھی متاثر دکھائی دیے۔