بھارتی ٹی وی انڈسٹری کے معروف اداکار نکول مہتا کے 11 ماہ کے  صاحبزادے صوفی بھی کورونا وائرس کا شکار ہوگئے ہیں۔

میڈیا رپورٹس کےمطابق کچھ عرصہ قبل اداکار نکول مہتا کو  کورونا وائرس میں مبتلا ہونے کی تشخیص ہوئی تھی جس کے بعد انہوں نے خود کو قرنظینہ کرلیا تھا۔

اس حوالے سے انہون نے ایک پوسٹ بھی جاری کی تھی جس میں قرنطینہ میں گزارے جانے والے وقت کے متعلق آگاہ کیا گیا تھا۔

گزشتہ روز اداکار نے اپنے اکاؤنٹ سے اپنے بیٹے صوفی  کے متعلق بتایا ہے کہ وہ بھی کورونا وائرس کا شکار ہوگیا ہے جس کی وجہ سے اسے آئی سی یو منتقل کیا گیا ہے۔

انہوں نے بتایا ہے کہ ان کے 11 ماہ کے بیٹے کی حالت بہت تشویش ناک ہے اور اپنے مداحوں سے صوفی کی جلد صحتیابی کی دعا کی درخواست بھی کی ہے۔

بعدازاں اداکار کی بیوی جانکی نے بھی ایک پوسٹ جاری کرتے ہوئے بتایا ہے کہ ڈاکٹر کی بہترین خدمات اور ٹریٹمنٹ کے بعد صوفی کی طعبیت اب  بہت بہتر ہے ۔

خیال رہے کہ نکول مہتا بھارت ٹی وی کے مشہور ڈرامہ ’بڑے اچھے لگتے ہو 2‘ میں ’رام کپور‘ کے نام سے مرکزی کردار ادا کر رہے ہیں ۔