یمنیٰ زیدی پاکستانی ڈرامہ انڈسٹری کی ایک خوبصورت اور باصلاحیت اداکارہ ہیں انہوں نے اپنی شاندار اداکاری اور بہترین مکالموں کی ادائیگی سے اپنا ایک الگ مقام بنایا ہے، وہ بہت محنت اور لگن سے ہر کردار کو ادا کرتی ہیں اور ایسا محسوس ہوتا ہے وہ کردار ان ہی کے لئے لکھا گیا ہے۔

ڈرامہ آہن، گناہ اور پری زاد میں ان کی اداکاری کو مداحوں کی جانب بہت سراہا جارہا ہے ان کی لاجواب اداکاری نے انہیں شہرت کی بلندیوں پر پہنچا دیا ہے۔ واضح رہے کہ ’’ڈر سی جاتی ہے سلا ‘‘میں عمدہ اداکاری کی بنا پر انہیں بہترین اداکارہ کے ایوارڈ سے بھی نوازا گیا۔

حال ہی میں پاکستانی ڈرامہ انڈسٹری کے ایک نامور فنکار نعمان اعجاز نے ان کی اداکاری کی تعریف کرتے ہوئے انہیں یہ اعزاز بخشا کہ ڈر سی جاتی ہے سلا میں نعمان اعجاز ان کی بے مثال اداکاری کے سامنے کسی قدر الجھن کا شکار ہوئے ایک لیجنڈ اداکار سے اس طرح تعریف سننا واقعی بڑے اعزاز کی بات ہے۔

گزشتہ دنوں یمنیٰ زیدی کو نعمان اعجاز نے اپنے شو جی سرکار میں مدعو کیا تھا جہاں انہوں نے بہت سے موضوعات پر اپنی رائے کا  اظہارکیا۔