بھارتی اداکارہ دیا مرزا کی سوتیلی بیٹی کے ساتھ ڈانس ویڈیو سوشل میڈیا پر وائرل ہوگئی ہے۔

اداکارہ نے اپنے آفیشل کاؤنٹ انسٹاگرام پر نئی ویڈیو شیئر کی ہے۔

 شئیر کی گئی ویڈیو میں دیکھا جاسکتا ہے کہ دیا مرزا اور اُن کی سوتیلی بیٹی ایک جیسے لباس میں اپنے گھر کی بالکونی میں موجود ہیں۔

اس ویڈیو میں اداکارہ کو اپنی سوتیلی بیٹی کے ساتھ ڈانس کرتے ہوئے دیکھا جاسکتا ہے۔

دیا مرزا نے اس ویڈیو کو شئیر کرتے ہوئے کیپشن میں لکھا کہ وحشی ہو جاؤ، آزاد ہوجاؤ۔

انہوں نے لکھا کہ ہم ہمیشہ ایک ساتھ رقص کریں۔

گزشتہ دنوں اداکارہ نے اپنے بیٹے آویان کی پہلی جھلک مداحوں کو دکھائی تھی۔

دیا مرزا کی جانب سے فوٹو اینڈ ویڈیو شئیرنگ ایپ انسٹاگرام اسٹوری پر ایک ویڈیو شئیر کی گئی تھی۔

انسٹاگرام پر شئیر کردہ ویڈیو میں بیٹے آویان کو کھلونے کے ساتھ کھیلتے ہو ئے دیکھا گیا تھا۔

اداکارہ کی اس پوسٹ کو دیکھ کر ان کے مداح بہت زیادہ خوش تھے کیونکہ دیا مرزا نے بیٹے کی پیدائش کے 6 ماہ بعد پہلی مکمل ویڈیو مداحوں کے ساتھ شئیر کی تھی۔

واضح رہے کہ دیا مرزا نے گزشتہ سال مارچ میں بھارتی صنعت کار ویبھوو ریکھی کے ساتھ دوسری شادی کی تھی اور اس جوڑے کے ہاں گزشتہ برس جولائی میں بیٹے آویان کی پیدائش ہوئی تھی۔

اس سے قبل دیا مرزا نے فلم پروڈیوسر ساحل سنگا سے 2014ء میں شادی کی تھی لیکن اگست 2019ء میں دونوں نے اپنی راہیں جدا کرلی تھیں۔