پاکستانی شوبز انڈسٹری سے تعلق رکھنے والے معروف اداکار شمون عباسی نے شوبز کی دنیا کی  شادی شدہ جوڑیوں کے متعلق  اپنے خیالات کا اظہار کیا ہے۔

 اداکار شمون عباسی نے اپنے ایک بیان میں کہا ہے کہ شوبز کی شادی شدہ جوڑیوں کی زندگی اس وقت ختم ہونے لگتی ہے جب ان کی بیوی کی قدر بڑھ جاتی ہے۔

 اداکار نے بتایا ہے کہ وہ جوڑیاں جن کا تعلق شوبز انڈسڑی سے ہوتا ہے اور اگر بیوی اسٹار ہے تو لوگ شوہر کے سامنے اس کی قدر کرنا شروع کردیں گے۔

انہوں نے بتایا کہ لوگ ایسا جان بوجھ کر اس لئے کرتے ہیں تاکہ اس کے شوہر کا ردعمل دیکھ سکیں اور یہ عمل اس وقت بڑھ جاتا ہے جب بیوی کی اہمیت انڈسٹری میں زیادہ ہوتی ہے۔

اداکار کا کہنا تھا کہ لوگوں کا اسیا کرنا ان جوڑوں کی ازدواجی زندگی پر اظر انداز ہوتا ہے اور ان کے تعلقات بھی خراب ہونے لگتے ہیں جس کی وجہ سے نوبت طلاق تک آجاتی ہے۔