پاکستانی اداکارہ یاسر حسین کی ہدایتکاری میں بنائی جانے والی فلم ’جاوید اقبال‘ کو   صوبہ پنجاب میں ریلیز کرنے سے روک دیا گیا ہے۔

فلم جاوید اقبال پاکستان بھر میں 28 جنوری کو ریلیز کی جانی تھی اور حکومت پنجاب کی جانب سے 26 جنوری کو نوٹس جاری کرتے ہوئے اس کی ریلیز کو روک دیا گیا ہے۔

جاری کردہ نوٹس کے مطابق پنجاب حکومت نے ‘جاوید اقبال: دی ان ٹولڈ سٹوری آف دی سیریل کلر’ کی ریلیز پر پابندی لگا دی ہے۔

یہ فیصلہ فلم کی ریلیز سے محض دو دن قبل کیا گیا تھا، حالانکہ فلم کو ملک کے تمام سنسر بورڈز نے معمولی تبدیلیوں کے بعد پاس کیا تھا۔

نوٹس مں بتایا گیا ہے کہ فلم کے مواد کے خلاف موصول ہونے والی مسلسل شکایات کی بنیاد پر اس کی دوبارہ جانچ کی جائے گی۔

جاری کردہ نوٹس کے متعلق شائقین کا کہنا ہے کہ دنیا بھر میں اس موضوع پر فلمیں بنائی جارہی ہیں تاکہ لوگوں میں آگاہی پیدا ہو اور پاکستان کے لوگوں کو بھی اس حوالے سے معلوم ہونا چاہیئے۔

شائقین کا کہنا ہے کہ اس فلم میں ایسے کوئی بھی مناظر نہیں ہیں جو کہ کسی پر منفی اثرات مرتب کریں  لیکن پھر بھی اس کی ریلیز کو روکا گیا ہے۔

خیال رہے کہ 2 روز قبل کراچی میں فلم ’جاوید اقبال‘ کی رونمائی کی تقریب منعقد کی گئی تھی جس میں شوبز انڈسٹری کے بڑے ناموں نے اپنی شرکت کو یقینی بنایا تھا۔