پاکستان کی نامور اداکارہ و ماڈل حمائمہ ملک نے ہر ماہ اپنی سامنے آنے والی شادی کی خبروں پر برہمی کا اظہار کیا ہے۔

اداکارہ حمائمہ ملک نے اپنے انسٹاگرام پوسٹ کے ذریعے چند سوشل میڈیا پلیٹ فارمز اور بلاگرز کو تنقید کا نشانہ بنایا ہے۔

اپنے پوسٹ میں اداکارہ کا کہنا ہے کہ سوشل میڈیا بلاگرز کو ہم جیسے ستاروں کی ضرورت ہے لیکن ہمیں ان کی کوئی ضرورت نہیں ہے۔

انہوں نے کہا ہے کہ ہر ماہ میری شادی کسی ایسی شخصیت سے کروادی جاتی ہے جو کہ میرے اور میرے خاندان کے لئے باعث شرمندگی ثابت ہوتا ہے۔

انہوں نے کہا ہے کہ بلاگرز اور سوشل میڈیا صارفین اپنے ایک پوسٹ کو وائرل کرنے کے لئے اس طرح کی حرکتیں کرتے ہیں جو کہ افسوس کا مقام ہے۔

انہوں نے کہا ہے کہ قابل احترام شخص کو اس قسم کے معملات میں کھسیٹنا اچھی بات نہیں البتہ میں جب بھی شادی کرونگی اور اعلان کرنا چاہوں گی تو پریس کانفرنس بلا لوں گی۔

اداکارہ نے گزارش کی ہے کہ اس قسم کی تمام حرکتون کو بند کیا جائے۔