بھارتی ٹیلیویژن کے مقبول ترین شو بگ باس کے سیزن 15 کا ٹائٹل بھارتی ٹی وی اداکارہ تیجسوری پرکاش نے جیت لیا ہے۔

 گزشتہ روز بگ باس کے نشر کیے جانے والے فائنل اپیسوڈ میں  تیجسوری پرکاش سب سے بہترین کنٹسٹنٹ قرار پائی جبکہ دوسرے نمبر پر  پراتک سہجپال اور تیسرے رنر اپ کرن کندرا قرار دیئے گئے ہیں۔

 اس سیزن کے ٹاپ 10 کھلاڑیوں میں تیجسوی پرکاش، کرن کندرا، پراتک سہجپال، شمیتا شیٹی اور نشانت بھت سمیت 5کنٹسٹنٹ شامل تھے جنہیں 10 لاکھ روپے  لے کر شو سے باہر ہونے کی پیشکش کی گئی تھی۔

فائنل ایپیسوڈ میں شو کے ٹاپ 3 کنٹسٹنٹ کو ایک معقول رقم کی آفر کی گئی تھی  اوراس آفر کو قبول کرتے ہوئے نشانت بھت شو سے باہر ہوگئے تھے ۔

بعدازاں ووٹوں کی گتنی کے بعد حتمیٰ فیصلے کے مطابق اداکارہ تیجسوری پرکاش نے سب سے زیادہ ووٹ حاصل کر کے بگ باس سیزن 15 کا ٹائٹل اپنے نام کیا ہے۔

یہ تیجسوی نے نہ صرف رئیلٹی شو کا 15 واں سیزن جیتا ہے بلکہ ایکتا کپور کی مقبول ڈرامے ناگن 6 میں مرکزی کردار کا خطاب بھی اپنے نام کرلیا ہے جس کا اعلان سلمان نے فائنل ایپی سوڈ میں کیا ہے۔