پاکستانی اداکارہ و ماڈل اشنا شاہ نے ٹرولنگ کرنے والوں کو کرارا جواب دے دیا۔

اشنا شاہ نے مائیکرو بلاگنگ ویب سائٹ ٹوئٹر پر ایک پیغام جاری کیا جس میں انہوں نے تحریر کیا کہ ان کا انگریزی کا یہ لہجہ شمالی امریکی ملک کینیڈا میں گزارے گئے کئی سالوں کی وجہ سے ہے جہاں انہوں نے اپنی تعلیم حاصل کی تھی۔

اداکارہ نے کہا کہ گریڈ اسکول، ہائی اسکول اور پھر جامعہ میں کینیڈا میں وقت گزارنے کے بعد میں پاکستان میں اپنے لہجے کو آسان بنانے کی کوشش کررہی ہوں۔

انہوں نے کہا کہ اس کوشش کے باوجود جعلی بیرونی لہجہ کا الزام عائد کیا جاتا ہے، آپ تمام لوگ بدمعاشوں کا ایک ٹولہ ہیں اور آپ کی اطلاع کے لئے عرض ہے کہ یہ ہراسانی ہے۔

https://twitter.com/ushnashah/status/1477358948915294210?ref_src=twsrc%5Etfw%7Ctwcamp%5Etweetembed%7Ctwterm%5E1477358948915294210%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F1032523

اس سے قبل اشنا شاہ نے فوٹو اینڈ ویڈیو شیئرنگ ایپ انسٹاگرام پر اپنی تصاویر پوسٹ کی تھیں۔

اداکارہ کی پوسٹ کردہ تصویر میں وہ اسکین اور سرخ رنگ کا لباس زیب تن کی ہوئی تھیں۔

واضح رہے اداکارہ  اشنا شاہ نے بتایا تھا کہ وہ شادی کے لئے کسی ایسے شخص کو ترجیح دیں گی جو کھانا بنا سکے کیونکہ انہیں کھانا بنانا نہیں آتا اور اس شخص کو جانوروں سے بھی محبت ہو۔