پاکستان کی خوبرو اداکارہ نمرہ خان کی تصاویر سوشل میڈیا پر وائرل ہو گئی ہیں۔

نمرہ خان نے اپنےآفیشل اکاؤنٹ انسٹاگرام پر کچھ تصاویر اور ایک ویڈیو  پوسٹ کی ہے جسے مداحوں کی جانب سے بہت پسند کیا جارہا ہے۔

شئیر کی گئی تصاویر  اور ویڈیو میں دیکھا جاسکتا ہے کہ نمرہ خان مغربی طرز کا لباس زیب تن کی ہوئی ہیں۔

اداکارہ کی پوسٹ پر تاحال ہزاروں لائیکس آچکے ہیں اور تعریفوں کا سلسلہ بھی شروع ہوچکا ہے۔

اس سے قبل پاکستان کی نامور اداکارہ و ماڈل نمرہ خان نے کہا تھا کہ اُن کے والدین اُنہیں جَلد شادی کرتے ہوئے دیکھنا چاہتے ہیں۔

سوشل میڈیا پر نمرہ خان کے انٹرویو کی ایک ویڈیو وائرل ہو گئی تھی جس میں اُنہوں نے اپنی دوسری شادی سے متعلق بات کی تھی۔

شو کی میزبان نے نمرہ خان سے سوال کیا کہ وہ 2022ء میں کیا کرنے کی خواہش مند ہیں؟

نمرہ خان نے ہنستے ہوئے جواب دیا کہ امی اور ابو تو میری شادی کے پیچھے پڑے ہوئے ہیں اور مجھے 2022ء کے مارچ تک کی ڈیڈ لائن دے رکھی ہے کہ بس مارچ تک سوچ لو اور شادی کر لو۔

اداکارہ کا کہنا تھا کہ اُن کا ارادہ ابھی اپنے کیریئر پر توجہ دینا ہے۔

واضح رہے کہ گزشتہ سال لاک ڈاؤن میں سادگی سے نکاح کرنے والی نمرہ خان نے اپنے ایک انٹرویو کے دوران اپنی نجی زندگی سے متعلق پوچھے گئے سوال سے گریز کیا تھا۔

 نمرہ خان کا سوال کے جواب میں کہنا تھا کہ ہم اس پر بات نہیں کر سکتے پلیز۔

نمرہ خان کے اس جواب پر شو کے میزبان  نے موضوع بدلتے ہوئے نمرہ خان سے سوال پوچھا کہ اُن کے خیال میں رشتوں کے ٹوٹنے کی وجہ کیا ہے؟

میزبان نے اداکارہ سے پوچھا کہ کیا اپنے سوشل میڈیا اکاؤنٹس پر اپنی ذاتی زندگی سے متعلق اتنی معلومات اور تصویریں شیئر کرنا درست ہے؟

جس کا جواب دیتے ہوئے نمرہ خان نے کہا کہ اُن کے خیال میں قیمتی رشتے ٹوٹنے کی وجہ ہی سوشل میڈیا پر اپنی زندگی کو بہت زیادہ دکھانا اور نمائش کرنا بن رہی ہے۔

اداکارہ نے مزید کہا کہ اپنے فیصلوں کے علاوہ دوسروں کے تبصروں پر بہت زیادہ دھیان اور انہیں اہمیت دینا ہی رشتے ٹوٹنے کی وجہ بنتی ہے۔

نمرہ خان کا کہنا تھا کہ ’آج کل کے لوگ اپنے رشتوں کی بہت زیادہ نمائش کرنے لگ گئے ہیں، اس بات پر بہت دھیان دیا جاتا ہے کہ لڑکا اتنا مشہور ہے، لڑکی اتنی مشہور ہے، دونوں کو کیمرے کا سامنے پیشے کے لحاظ سے دیکھا جاتا ہے اور اندر رشتے کا حال وہ دونوں ہی جانتے ہیں۔