بالی ووڈ اداکارہ کاجول بھی کورونا وائرس کا شکار ہوگئی ہیں۔

بھارت میں کئی روز سے روزانہ اوسطاً 2 لاکھ سے زائد افراد کورونا کی وبا کا شکار ہورہے ہیں۔

کورونا کا شکار ہونے والے ان افراد میں زندگی کے ہر شعبے سے تعلق رکھنے والی اہم شخصیات بھی شامل ہیں۔

مزید پڑھیے: کورونا کا شکار لتا منگیشکر کو دعاؤں کی ضرورت

بالی ووڈ کے کئی نامی گرامی ستارے بھی گزشتہ 2 برس کے دوران اس وبا کا شکار ہوچکے ہیں۔

بالی ووڈ کے کورونا کلب میں اب اداکارہ کاجول بھی شامل ہوگئی ہیں۔

کاجول نے کورونا میں مبتلا ہونے کی تصدیق سوشل میڈیا کے ذریعے کی ہے۔

اپنے انسٹا گرام اکاؤنٹ میں کاجول نے اپنی بیٹی کے ہمراہ ایک تصویر شیئر کی ہے۔

اپنی بیٹی نیاسا کی تصویر شیئر کرتے ہوئے کہا کاجول کا کہا ہے کہ وہ اسے بہت یاد کر رہی ہیں۔

تصویر کے ساتھ کاجول نے لکھا ہے کہ وہ بھی کورونا مثبت ہوگئی ہیں۔ وہ نہیں چاہتیں کہ کوئی ’روڈلف‘ کی طرح ان کی لال ہوتی ناک دیکھے۔ اس لیے آئیے چہروں پر مسکراہٹ سجائے رکھیں۔

واضح رہے کہ کاجول کی آخری فلم جنوری 2021 میں ریلیز ہوئی تھی، کورونا وبا کے باعث یہ فلم او ٹی ٹی پلیٹ فارم نیٹ فلکس پر ریلیز ہوئی تھی۔

2 ماہ قبل کاجول کی بہن تنیشا مکھرجی بھی کورونا پازیٹیو ہو گئی تھیں۔