کہتے ہیں میاں بیوی گاڑی کے دو پہیے ہوتے ہیں تب ہی زندگی کی گاڑی آگے چلتی ہے۔  شادی اگر شوبزکی دو بڑی ستاروں کے درمیان ہویا عام افراد کے درمیان، دونوں کسی نہ کسی بات پر ایک دوسرے نالاں ضرور نظر آتے ہیں بس فرق اتنا ہے کہ شوبز سے تعلق رکھنے کی بناپر ان کی پسند نہ پسند عوام کے سامنے آجاتی ہیں،  ایسا ہی ایک معاملہ صاحبہ اور ریمبو کے ساتھ بھی ہے۔

صاحبہ اور محمد افضل عرف ریمبو گزشتہ 22 برسوں سے ایک خوشگوار زندگی گزار رہے ہیں، اوراس ہنس مکھ جوڑی کے دو بیٹے بھی ہیں۔

ریمبو کاکہنا ہے کہ صاحبہ میں کوئی خامی نہیں ہے لیکن ان سے سفر نہیں ہوتا ہے کسی جگہ جانا ہوتو گاڑی میں بیٹھتے پہلا سوال یہ ہوتا ہے کہ کتنا سفر رہ گیا ہے اب کب آئے گی وہ جگہ، یہی نہیں وہ سارے سفر میں کوئی بات نہیں کرتی بلکل خاموش رہتی ہیں اور گانے بھی سننے نہیں دیتی صرف ایک یہی وجہ ہے لگتا ہے مجھے اس کام کے لئے دوسری شادی کرنی پڑے گی۔

 اس بات کا اظہار انہوں نے نعمان اعجاز کے شو جی سر کار میں کیا۔