تحریک انصاف کے رہنما اور رکن قومی اسمبلی ڈاکٹر عامر لیاقت کی تیسری اہلیہ کی والدہ کا ویڈیو بیان سامنے آگیا۔

وائرل ویڈیو میں خاتون نے اپنی بیٹی کی شادی کی تصدیق کی ہے۔

عامر لیاقت کی ساس نے بیٹی اور داماد کو دعا دیتے ہوئے کہا کہ میری دل سے دعا ہے وہ دونوں دل سے خوش رہیں، آباد رہیں اور یہ رشتہ ہمیشہ قائم رہے۔

انہوں نے کہا کہ اللہ پاک انہیں اپنی حفظ وامان میں رکھے اور انہیں بے شمار خوشیاں عطا کرے۔

دانیہ کی والدہ نے کہا کہ ہم سے پیار کرنے والے ان کے لئے دعا کریں کہ اللہ ان دونوں کو سلامت رکھے۔

یاد رہے کہ ڈاکٹر عامر لیاقت نے لودھراں سے تعلق رکھنے والی 18 سالہ سیدہ دانیہ شاہ سے تیسری شادی کی ہے۔

عامر لیاقت نے بتایا ہے کہ دانیہ شاہ کا تعلق ایک شریف گھرانے سے ہے اور وہ سرائیکی ہے۔