شہزین راحت پاکستاںی ڈرامہ انڈسٹری کا ایک ابھرتا ستارہ ہیں وہ ایک بہترین ماڈل اورعمدہ اداکارہ ہیں انہوں نے کئی مشہور ڈراموں میں بطور معاون اداکارہ کے کام کیا۔

شہزین کے مشہور ڈراموں میں پیا من بھائے، خانی، میں مہروہوں، کیسا ہے نصیباں اور وفا بے مول شامل ہے، جبکہ متعدد پاکستانی فلموں میں بھی  جلوہ گر ہوئی ہیں اور اپنی شاندار اداکاری سے ناظرین کی توجہ حاصل کرنے میں کامیاب رہی ہیں۔

شہزین راحت کانکاح اپریل 2021 میں شعیب لاشاری سے ہوا تھا۔ جبکہ اب ان کی شادی کی تقریبات کا باضابطہ آغازمایوں سے کیا گیا۔

 مایوں کی تقریب کے بعد شہزین راحت کے دوستوں کی جانب ایک قوالی نائٹ منعقد کی گئی جس کی تصاویر شیزین خان نے اپنے سوشل میڈیا اکاؤںٹ پر شیئر کی ہیں۔ جس میں شہزین اپنے شوہر کے ہمراہ بہت خوش نظر آرہی ہیں اور دونوں نے سیاہ لباس پہنا ہوا ہے۔

شہزین راحت نے قوالی نائٹ میں بہت ہی خوبصورت سیاہ رنگ کا لباس پہناہوا ہے جس پرمختلف رنگ کا بلاک پرنٹ کیاگیا ہے جبکہ ڈوپٹا نیٹ کا ہے۔