بالی ووڈ کے اترنگی اسٹائل اپنانے والے اداکار رنویر سنگھ نے اپنے اہلیہ دیپیکا پڈوکون کی خوبصورت انداز میں تعریف کی ہے۔

اداکار رنویر سنگھ نے اپنے انسٹاگرام اکاؤنٹ پر ایک پوسٹ جاری کی ہے جس میں وہ اہلیہ کے کام کو بھرپور انداز میں سرہاتے ہوئے نظر آرہے ہیں۔

فلم 83 کے معروف اداکار نے اداکارہ دیپیکا پڈوکون کی نئی فلم ’گہرائیاں‘ میں ان کے کیے جانے والے بہترین کام کی تعریف کی ہے۔

اداکار  نے ’گہرائیاں‘ فلم کے  نئے گانے کے ریلیز پر اہنے تاثرات کا اظہار کیا ہے اور اپنی اہلیہ کے لئے کہا ہے کہ تمہارا یہ کام میرے لئے باعث فخر ہے۔

خیال رہے کہ اداکار رنویر سنگھ اپنی اہلیہ کے کام کو سرہانے کا کوئی موقع نہیں گنواتے ہیں  اور ان کی کامیابی پر ان کے ساتھ مل کر جشن مناتے ہیں۔

’گہرائیاں‘ فلم کے گانے ’بےقابو‘ کے ریلیز پر بھی اداکار رنویر سنگھ نے خوب جوش وخروش کا مظاہرہ کیا ہے جو کہ مذکورہ ویڈیو میں دیکھا جاسکتا ہے۔

واضح رہے کہ بالی ووڈ کی فیچر فلم ’83‘ میں اداکار رنویر سنگھ اور اداکارہ دیپیکا پڈوکون نے ایک ساتھ کام کیا ہے اور باکس آفس پر ان کی اسکرین پر دیکھی جانے والی کیمسٹری قابل تعریف کہلائی گئی ہے۔