متنازع بھارتی اداکارہ کنگنارناوت نے اداکارہ دیپیکا پڈوکون کی نئی فلم گہرائیاں پر شدید تنقید کی ہے۔

اداکارہ کنگنا نے اپنی انسٹا اسٹوری پر 1965 کی فلم ’ہمالیہ کی گود میں‘ کے  گانے ’چاند سی محبوبہ ہو میری‘ کی ایک ویڈیو شیئر کی۔

کنگنارناوت نے اس ویڈیو شیئر کو کرتے ہوئے لکھا کہ وہ بھی اسی نئے دور کی ہیں لیکن وہ جذبات کو پہچانتی اور سمجھتی ہیں۔

اداکارہ نے لکھا کہ جسم کی نمائش سے بری فلم کو اچھا نہیں بنایا جاسکتا،  یہاں ایک بنیادی حقیقت یہ ہے کہ فلم میں کوئی (گہرائیاں) والی بات نہیں ہے۔

اُنہوں نے لکھا کہ نئے دور اور شہری فلموں کے نام پر برائے مہر بانی کچرا نہ بیچیں اور بری فلمیں بری ہی ہوتی ہیں۔