پاکستانی ڈرامہ انڈسٹری کی معروف اداکارہ مہربانو کی منگنی کی تصاویر سوشل میڈیا پر وائرل ہوتی ہوئی نظر آئیں ہیں۔

گزشتہ روز دن کے اوقات کار میں منعقد ہونے والی تقریب میں اداکارہ مہربانو کی پروڈیوسر شاہ رخ کاظم علی کے ساتھ منگنی ہوئی ہے۔

سامنے آنے والی تصاویر اور ویڈیو میں دیکھا جاسکتا ہے کہ اداکارہ نے سفید رنگ کا عروسی جوڑا پہنا ہوا ہے جس میں وہ ایک خوبصورت پری لگ رہی ہیں۔

اس تقریب کے دوران گھروالوں اور مہمانوں کی موجودگی میں مہربانو اور شاہ رخ کاظم نے ایک دوسرے کو انگوٹھی پہنائی ہے۔

منگنی کی یہ تقریب لاہور میں ایک پرفضا مقام پر ہوئی اور اس دوران اداکارہ اور ان کے منگیتر نے اپنے دوستوں کے ہمراہ ڈانس بھی کیا۔

خیال رہے کہ مہربانو اور ان کے منگیتر پروڈیوسر شاہ رخ کاظم علی کی جانب سے اس حوالے سے کوئی پوسٹ جاری نہیں کیا گیا ہے۔