پاکستان پیپلز پارٹی کی رہنما اور رکن سندھ اسمبلی شرمیلا فاروقی کا بیٹا حسین بھی عالمی شہرت یافتہ گلوکار عاطف اسلم کا مداح نکلا۔

شرمیلا فاروقی نے فوٹو اینڈ ویڈیو شیئرنگ ایپ انسٹاگرام پر بیٹے کی تصویر شیئر کی ہے۔

شیئر کی گئی تصویر میں دیکھا جاسکتا ہے کہ شرمیلا فاروقی کے بیٹے کے ساتھ گلوکار عاطف اسلم بھی موجود ہیں۔

انہوں نے اپنی پوسٹ کے کیپشن میں لکھا کہ میرا بیٹا حسین، ہمارے قابلِ احترام گلوکار عاطف اسلم کا پُرستار ہے۔

شرمیلا فاروقی نے بتایا کہ اُن کا بیٹا عاطف اسلم کے ساتھ ملکر بہت خوش ہوا۔

شرمیلا فاروقی کی اس پوسٹ پر صارفین کی جانب سے مخلتف تبصروں کا سلسلہ جاری ہے۔

یاد رہے کہ شرمیلا فاروقی کی شادی 2015 میں ہوئی تھی ،ان کے ہاں سال 2018 میں بیٹے کی پیدائش ہوئی تھی جس کا نام ’حسین‘ ہے۔