پاکستانی کے نامور اور سینئر اداکار منظر صہبائی نے اپنی زندگی میں ایک بڑی غلطی دہرانے کی خواہش ظاہر کی ہے۔

سال 2020 میں پاکستان کی شوبز انڈسٹری کی معروف شخصیات اداکار منظر صہبائی اور اداکارہ ثمینہ احمد نے شادی کر لی تھی اور ان کی شادی کی خبر سامنے آنے پر مداحوں کی جانب سے مبارکباد کے بہت سارے پیغامات بھیجے گئے تھے۔

حال ہی میں اپنے ایک انٹرویو کے دوران اداکار منظر صہبائی نے پوچھے جانے والے سوال کا بہت خوبصورت جواب دیا ہے ۔

انٹرویو کے دوران میزبان و اداکار نعمان اعجاز نے ان سے سوال کیا ہے کہ ’اگر زندگی میں کوئی غلطی دہرانے کا موقع ملے تو وہ کونسی غلطی ہوگی؟‘۔

اس سوال کا جواب دیتے ہوئے منظر صہبائی نے کہا ہے کہ  اگر مجھے زندگی میں پھر کبھی ایسا موقع ملا تو میں ایک بار پھر اپنی اہلیہ ثمینہ احمد سے نکاح کرلوں گا۔