پاکستانی اداکارہ سجل علی نے ایک اور بڑا اعزاز اپنے نام کرلیا ہے۔

سجل علی کے فوٹو اینڈ ویڈیو شیئرنگ ایپ انسٹا گرام پر فالوورز کی تعداد 8 ملین ہوگئی ہے۔

اداکارہ کے انسٹا اکاؤنٹ پر مجموعی طور پر ایک نظر ڈالیں تو انہوں نے صرف 119 انسٹا صارفین کو فالو کیا ہوا ہے جن میں ان کے عزیز و اقارب، دوست اور شوبز انڈسٹری کی معروف شخصیات شامل ہیں۔

اُنہوں نے ابھی تک اپنے انسٹا اکاؤنٹ پر کُل 406 انسٹا پوسٹس شیئر کی ہیں، جن میں زیادہ تر پوسٹس انکے نئے پراجیکٹس کے حوالے سے مداحوں کو آگاہ کرنے کے لیے کی گئی ہیں۔

واضح رہے کہ سجل علی میڈیا پر بہت کم ہی انٹرویوز دیتے نظر آتی ہیں لیکن اس کے باوجود بھی اداکارہ کا شمار پاکستان شوبز انڈسٹری کے ان لوگوں میں ہوتا ہے جوکہ اکثر ہی خبروں میں نظر آتے ہیں۔

یہی وجہ ہے کہ اداکارہ کی سوشل میڈیا پر بھی شہرت میں روز بروز اضافہ ہوتا جا رہا ہے۔

سجل علی نے گزشتہ سال کے آغاز میں ہی انسٹاگرام کی آدھی پوسٹس ڈیلیٹ کردی تھیں۔