پاکستان کی معروف ماڈل سبیکا امام کو سوشل میڈیا پر  قتل کی دھمکیاں موصول ہونے لگیں ہیں۔

ماڈل سبیکا امام نے اپنے انسٹاگرام اکاؤنٹ پر ایک پوسٹ شیئر کی ہے جس میں انہیں ملنے والی دھمکی آمیز پیغام موجود ہے۔

 اس پوسٹ میں دیکھا جاسکتا ہے کہ معروف ماڈل کو ایک صارف نے تیزاب گردی کا نشانہ بنانے اور قتل کرنے کی واضح طور پر دھمکی دی ہے جس میں خاص طور پر سبیکا کا نام اور تصویر کو بھی دیکھا جاسکتا ہے۔

ماڈل کی شیئر کی جانے والی پوسٹ میں دیکھا جاسکتا ہے کہ صارف نے ان کے لئے غلیظ الفاظ کا استعمال کیا ہے  اور ساتھ ہی سبیکا کی والدہ کے لئے بھی برے کلمات کہے ہیں۔

 اس پوسٹ کو شیئر کرتے ہوئے ماڈل سبیکا امام نے قانون نافذ کرنے والے اداروں سے مدد طلب کرتے ہوئے سخت کارروائی کرنے کی درخواست کی ہے۔