دھیمہ لہجہ، دلفریب مسکراہٹ، باصلا حیت اداکارہ اوربہترین میزبان یہ تمام خوبیاں کسی ایک شخصیت میں موجود ہو توصرف سائرہ یوسف کانام ذہن میں آتاہے۔ سائرہ اکثر اپنے چاہنے والوں کو کبھی اپنی اداکاری اورکبھی اپنے فوٹوشوٹ سے حیران کر دیتی ہیں۔

وہ ہمیشہ سے ہی نیا انداز اپناتی ہی جو انہیں دوسروں سے ممتاز بناتا ہے۔  سائرہ نے اپنے آپ کو اس وقت بھی اپنے آپ کو منوایا جب وہ صرف ایک وی جے تھی جہاں لوگ میوزک سے زیادہ ان کی آواز اورانداز کوپسند کرتے تھے۔

جب ماڈلنگ کی دنیا میں قدم رکھا تو شہرت کی بلدیوں تک پہنچی۔ یہی وجہ ہے کہ وہ اکثر کسی نہ کسی برانڈ کی تشہیر میں دکھائی دیتی ہیں۔

حال ہی میں انہوں اپنا ہیئر اسٹائل تبدیل کیا ہے اسی تبدیلی نے انہیں ہالی ووڈ میں ماضی کی مشہورجو اداکارہ مارلن مونرو کے برابر کھڑا کر دیا ہے، ان کا یہ نیا انداز ماضی کی اداکارہ سے مماثلت کی بنا پربہت زیادہ  پسند کیا جارہا ہے۔ ان کے چہرے کے خدوخال کو دیکھتے ہوئے یہ کہا جارہا ہے سائرہ جب چاہیں اپنا لک تبدیل کر کے مداحوں کوحیران کر سکتی ہیں اور یہ ان ہی کا خاصا ہے۔