لیجنڈری صوفی گائیک عابدہ پروین انٹرویو کے دوران جذباتی ہوگئیں جس کی ویڈیو سوشل میڈیا پر وائرل ہوگئی ہے۔

سوشل میڈیا سائٹ انسٹاگرام پر عابدہ پروین کی ایک ویڈیو وائرل ہوگئی ہے جس میں وہ اپنی زندگی میں صوفیا کرام کی اہمیت بتا رہی ہیں۔

اُنہوں نے کہا کہ اُن کا ٹیلنٹ صوفیا کرام کا تحفہ ہے، اس میں اُن کا اپنا کوئی کمال نہیں ہے اور وہ اس کے لئے صوفیا کا کبھی شکریہ بھی ادا نہیں کر سکیں گی۔

واضح رہے کہ عابدہ پروین کا شمار بہترین صوفیانہ گلوکاروں میں ہوتا ہے جوکہ دنیا بھر میں مقبولیت رکھتی ہیں۔

حال ہی میں عابدہ پروین نے گلوکارہ نصیبو لال کے ساتھ مل کر نامور میوزک شو کوک اسٹوڈیو  کے لئے نیا گانا تو جھوم گایا ہے جس نے دنیا بھر میں موجود موسیقی کے مداحوں کو جھومنے پر مجبور کردیا۔