پاکستان کی معروف اداکارہ سارہ لورین جنہیں مونا لیزا کے نام سے بھی جانا جاتا ہے، او ٹی ٹی پلیٹ فارم پر جلوہ گر ہونے کے لئے تیار ہیں۔

حال ہی میں اداکارہ سارہ لورین نے اپنے انسٹاگرام اکاؤنٹ سے ایک پوسٹ جاری کی ہے۔

اس شیئر جانے والی پوسٹ کے ذریعے اداکارہ نے بتایاہے کہ انہوں نے اردو فلیکس کے ساتھ اپنے کیریئر کی پہلی ویب سیریز سائن کرلی ہے۔

خیال رہے کہ اس حوالے سے اردو فلیکس نے بھی اپنا بیان جاری کرتے ہوئے تصدیق کی ہے اور ساتھ ہی اداکارہ کی ایک خوبصورت تصویر بھی شیئر کی ہے۔

 اس تصویر میں دیکھا جاسکتا ہے کہ سارہ لورین عرف مونا لیزا سفید رنگ کے لباس میں ایک ٹیبل پر رکھے کاغذ پر سائن کرتی ہوئی نظر آرہی ہیں۔

 واضح رہے کہ اداکارہ سارہ لورین  جلد ہی ایک پاکستانی فلم ’عشرت میڈ ان چائنہ‘ میں اداکار محب مرزا اور اداکارہ صنم سعید کے ساتھ نظر آئیگی جو کہ رواں سال مارچ میں ریلیز کی جائیگی۔