پاکستانی گلوکار فلک شبیر نے اپنی بیٹی عالیانہ کی نئی ویڈیو مداحوں کے ساتھ شئیر کی ہے۔

سوشل میڈیا سائٹ فوٹو اینڈ ویڈیو شئیرنگ ایپ انسٹاگرام پر عالیانہ کی ایک ویڈیو وائرل ہو گئی ہے۔

اس ویڈیو میں گلوکار اپنی بیٹی کے لئے پھول لیکر آئے اور کہا کہ عالیانہ یہ آپ کے لئے ہے۔

اس ہی کے ساتھ فلک شبیر نے اپنی بیٹی سے محبت کا اظہار کرتے ہوئے کہا کہ میں آپ سے پیار کرتا ہوں۔

ویڈیو میں دیکھا جاسکتا ہے کہ عالیانہ اپنے بابا کو دیکھ کر خوش ہو گئیں۔

وائرل ویڈیو کو گلوکار فلک شبیر کے مداحوں کی جانب سے بہت پسند کیا جارہا ہے اور تعریفی کامنٹس کا سلسلہ بھی جاری ہے۔

گزشتہ دنوں فلک شبیر نے اہلیہ و اداکارہ سارہ خان کے لئے ویلنٹائن ڈے پر محبت بھرا پیغام جاری کیا تھا۔

فلک شبیر نے اپنی انسٹا اسٹوری  پر ایک ویڈیو شئیر کی تھی جس میں انہیں سارہ خان کے لئے گانا گاتے ہوئے دیکھا گیا تھا۔

اس ویڈیو میں وہ سارہ خان کے لئے بھارتی گانا کنگنا رہے تھے جس پر سارہ خان بے حد خوش ہو رہی تھیں۔

اس ہی کے ساتھ فلک شبیر نے انہیں ویلنٹائن ڈے کی مناسبت سے پھولوں کا گلدستہ بھی دیا تھا۔

گزشتہ دنوں گلوکار نے کانسرٹ میں اپنی اہلیہ کی موجودگی کے حوالے سے کچھ باتیں کی تھیں۔

حال ہی میں اپنے ایک بیان میں گلوکار فلک شبیر نے بتایا تھا کہ شادی کے بعد ان کے ہر کانسرٹ میں سارہ ضرور موجود ہوتی تھیں ۔

 انہوں نے بتایا کہ کچھ کانسرٹس میں اسٹوڈنٹس بہت زیادہ ہوتے ہیں اور کچھ میں فیملیز ہوتی ہیں جس کے مطابق سارہ کی موجودگی کی بھی ڈیمانڈ کی جاتی ہے۔

 فلک شبیر نے بتایا کہ  لوگوں کی طرف سے کی جانے والی ڈیمانڈ کی وجہ سے بھی سارہ میرے ساتھ موجود ہوتی ہیں لیکن اگر میں نہ بھی لے کر جاؤں تو وہ خود چلنے کی خواہہش ظاہر کردیتی ہیں۔

 واضح رہے کہ سال 2020 میں شادی کے بندھن میں بندھنے والے پاکستانی شوبز انڈسٹری کے 2 معروف فنکار گلوکار فلک شبیر اور اداکارہ سارہ خان کی جوڑی کو انڈسٹری میں بہت پسند کیا جاتا ہے۔

 گزشتہ سال اس جوڑے کو اللہ نے ایک بیٹی کی رحمت سے نوازا جس کا نام عالیانہ فلک رکھا گیا ہے۔