پاکستان کی نامور اداکارہ ریشم نے بالی ووڈ اداکار شاہ رخ کے حق میں ایک اہم بیان جاری کیا ہے۔

اداکارہ ریشم نے اپنے بیان میں شاہ رخ خان کی لتا منگیشکر کی میت پر فاتحہ خوانی کے متعلق پھیلنے والے شدت پسند نظریئے کے خلاف بات کی ہے۔

اداکارہ کا کہنا ہے کہ مجھے سمجھ نہیں آتی کہ تعصب انسان کو اتنا اندھا کیوں کر دیتا ہے؟؟؟ شاید اس کی وجہ یہ ہے کہ جب آپ کے دل کالے ہوجاتے ہیں تو آپ کو کسی کے اچھے عمل اور اس کی نیک نیتی پر بھی شبہ ہونے لگتا ہے۔

 انہوں نے مزید کہا ہے کہ لتا جی کی سمادھی پر کچھ پڑھ کر پھونکا ہے شاہ رخ خان نے جسے وہاں کے تعصب پسند لوگوں نے تھوکنا قرار دے دیا ہے۔

انہوں نے مزید کہا ہے کہ یہ کلپ وائرل ہوگیا ہے۔۔۔لیکن جو بھی باشعور شخص اسے کُھلی آنکھوں سے دیکھے گا تو اسے اندازہ ہوجائے گا کہ شاہ رخ نے پُھونکا ہے تھوکا نہیں ہے۔

خیال رہے کہ سوشل میڈیا پر اداکار شاہ رخ خان کو انتہا پسند نظریئے کا نشانہ بناتے ہوئے کہا جارہا ہے کہ اداکار نے لتا جی میت پر تھونکا ہے۔