بالی ووڈ اداکارہ شلپا شیٹی کے شوہر راج کندرا نے راکھی ساونت سے متعلق اہم انکشاف کیا ہے۔

راکھی ساونت نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے۔

اس ویڈیو میں راج کندرا نے کہا کہ راکھی ساونت بالی ووڈ کی وہ واحد شخصیت ہیں جو سچی ہیں اور میں ان کی اسی شخصیت کی وجہ سے ان سے پیار کرتا ہوں۔

راکھی نے اپنی تعریف پر راج کندرا کا شکریہ ادا کیا اور کہا کہ آپ ایسے ہی خوش رہو۔

یہ ویڈیو راکھی نے شلپا شیٹی کی بہن شمیتا شیٹی کی سالگرہ کے موقع پر بنائی ہے۔

واضح رہے کہ حال ہی میں راج کندرا نے اپنے فلیٹس اور ممبئی کے علاقے جوہو میں موجود مکان اپنی بیوی شلپا شیٹی کے نام منتقل کردیے ہیں۔

بھارتی میڈیا رپورٹس کے مطابق راج کندرا جو کہ تاجر ہیں انہیں گزشتہ سال جولائی کے اوائل میں فحش فلمیں پروڈیوس کرنے اور ان کی اسٹیریمنگ پر ممبئی پولیس نے گرفتار کیا تھا جس کے بعد عدالت نے انہیں ضمانت پر رہا کیا اور اس وقت بھی وہ ضمانت پر ہیں۔

بتایا جاتا ہے کہ انہوں نے ساڑھے 38 کروڑ بھارتی روپے مالیت کی اپنی جائیدادیں اپنی اہلیہ شلپا شیٹی کے نام ٹرانسفر کردی ہیں۔