بھارتی اداکارہ عالیہ بھٹ کی زندگی کا سب سے بڑا خواب پورا ہو گیا جس پر وہ بے حد خوش ہیں۔

اداکارہ کی جانب سے فوٹو اینڈ ویڈیو شیئر نگ ایپ انسٹاگرام پر نئی فلم گنگوبائی کاٹھیواڑی کے گانےڈھولیڑا کا ٹیزر شیئر کیا گیا ہے۔

اس پوسٹ کو شئیر کرتے ہوئے انہوں نے کیپشن میں لکھا کہ ان کا سنجلے لیلہ بھنسالی کی فلم میں ڈانس کرنے کا بڑا خواب پورا ہوگیا۔

عالیہ بھٹ نے لکھا کہ ان کا دل ہمیشہ اس گانے کے ساتھ دھڑکتا رہے گا۔

واضح رہے کہ اس فلم کے ہدایتکار سنجے لیلہ بھنسالی ہیں جبکہ عالیہ بھٹ کے ساتھ اداکار اجے دیوگن بھی اداکاری کے جوہر دِکھاتے نظر آئیں گے۔

گنگوبائی کاٹھیواڑی جولائی 2021 میں ریلیز کی جانی تھی لیکن عالمی وباء کورونا وائرس کی وجہ سے تاخیر کا شکار ہوگئی ۔

تاہم اب یہ فلم رواں ماہ 25 فروری کو ریلیز ہوگی۔