پاکستانی اداکارہ و ماڈل ایشال فیاض نے اپنے کرش کے بارے میں مداحوں کو بتادیا۔

حال ہی میں اداکارہ نے ایک شو میں شرکت کی جہاں ایشال کی جانب سے دلچسپ باتیں اور خود سے متعلق متعدد سوالوں کے جوابات دیئے گئے۔

شو کے دوران میزبان نے اداکارہ سے پوچھا کہ اُنہیں کس پر کرش ہے ؟

جس کے جواب میں ایشال فیاض کا بتانا تھا کہ انہیں حمزہ علی عباسی بہت پسند ہیں اور اُنہیں حمزہ علی عباسی پر کرش ہے مگر اب اُن کی شادی ہو چکی ہے۔

اداکارہ کا کہنا تھا کہ وہ کبھی حمزہ سے ملی نہیں مگر اُنہیں وہ پسند ہیں۔

اس پر شو کے میزبان نے کہا کہ کبھی حمزہ علی عباسی سے ملیں تو اُن سے کہیے گا کہ پاکستان میں ایک ہی عمران خان کافی ہے وہ کیوں عمران خان بنتے ہیں۔

جس پر ایشال کا کہنا تھا کہ اُنہیں عمران خان ہینڈ سم نہیں لگتے، عمران خان اور حمزہ علی عباسی میں بہت فرق ہے، عمران خان اُن کی ٹائپ کے نہیں ہیں۔

اس موقع پر ایشال فیاض کا ماڈلنگ سے متعلق کہنا تھا کہ وہ پہلے کم کپڑوں میں بھی فوٹو شوٹ کروالیا کرتی تھیں مگر پھر اُنہیں خود ہی خیال آیا کہ اُن کا اتنا جسم نظر نہیں آنا چاہئیے، وہ پاکستان میں رہتی ہیں اور انہیں پاکستانی ثقافت کے مطابق ہی کپڑے پہننے چاہئیے۔

اداکارہ نے کہا کہ اس خیال کے بعد انہوں نے فیصلہ کیا کہ آئندہ وہ کم چھوٹے کپڑوں میں فوٹو شوٹ نہیں کروائیں گی۔