معروف اداکارہ، ماڈل اور یوٹیوبر نمرہ شاہد خاموشی سے رشتہ ازدواج میں منسلک ہو گئی ہیں۔

دو روز قبل اداکارہ نے فوٹو اینڈ ویڈیو شئیرنگ ایپ انسٹاگرام پر ایک پوسٹ شیئر کی تھی۔

اس پوسٹ میں انہوں نے اپنی شادی کا اعلان کرتے ہوئے بتایا تھا کہ وہ 28 مارچ کو نئی زندگی کا آغاز کریں گی۔

نمرہ شاہد نے دیرینہ دوست ذوالقرنین سے شادی کی ہے جن کا شوبز سے کوئی تعلق نہیں ہے۔

اداکارہ نے شادی کی تقریبات کی ویڈیوز یا تصاویر شیئر نہیں کیں تاہم سوشل میڈیا پر ان کی تصاویر وائرل ہوگئیں ہیں جس کے بعد شوبز شخصیات اور مداحوں کی جانب سے انہیں مبارک باد دی جارہی ہے۔

نمرہ شاہد نے شادی کے موقع پر روایتی سرخ رنگ کا عروسی لباس پہنا جبکہ ان کے شوہر نے سفید رنگ کا لباس پہنا۔

واضح رہے کہ نمرہ شاہد نے بطور یوٹیوبر کیریئر کا آغاز کیا تھا، جس کے بعد وہ ماڈلنگ بھی کرتی دکھائی دیں جبکہ انہوں نے 2016 کے بعد اداکاری کا آغاز کیا۔