بالی ووڈ سپر اسٹار امیتابھ بچن نے ورسٹائل اداکار عرفان خان کو بہترین اداکار قرار دے دیا۔

حال ہی میں امیتابھ بچن نے مرحوم کے بیٹے بابل خان کے نام ایک جذباتی خط لکھا جسے بابل نے اپنے اکاؤنٹ پر پوسٹ کیا ہے۔

اس خط میں اداکار امیتابھ بچن نے ان کے والد کو ایک بہترین انسان اور اداکار قرار دے دیا۔

انہوں نے لکھا کہ دوستی موت کے بعد بھی برقرار رہتی ہے، آپ کے والد عظیم انسان تھے اور جو لوگ بھی ان سے ملے وہ انہیں بہت اچھے انسان کے طور پر یاد کرتے اور ان کی کمی بہت زیادہ محسوس کرتے ہیں۔

خط میں امیتابھ بچن نے ان کی والدہ سوتاپا سکدر اور چھوٹے بھائی آیان کے لیے بھی نیک تمناؤں کا اظہار کیا۔

واضح رہے کہ عرفان خان کا تقریباً دو برس قبل (29 اپریل 2020) انتقال ہوگیا تھا۔

انہوں نے 2015 میں امیتابھ بچن کے ساتھ فلم پیکو میں کام کیا تھا جس میں ان دونوں کے علاوہ دیپکا پدوکون بھی شامل تھیں۔