پاکستان کی معروف اداکارہ نیلو بیگم کے بیٹے اور اداکار شان شاہد نے کہا ہے کہ والدہ کو ستارہ امتیاز ملنا ہمارے لیے قابلِ فخر لمحہ ہے۔

اداکار نے مائیکرو بلاگنگ ویب سائٹ ٹوئٹر پر اپنی مرحومہ والدہ نیلو بیگم کے ہمراہ لی گئی تصویر شیئر کی اور ساتھ ہی اُنہیں ملنے والے ستارہ امتیاز کی تصویر بھی شیئر کی۔

انہوں نے حکومت کی جانب سے والدہ کو ستارہ امتیاز ملنے پر خصوصی پیغام میں کہا کہ ستارہ امتیاز میری والدہ کو دیا گیا ہے اور یہ ہم سب کے لیے ایک قابلِ فخر لمحہ ہے۔

#sitaraeimtiaz has been awarded to my mother . A proud moment for us all ..I only wish I can see her wearing it .. ♥️🇵🇰🎥 . May the ALMIGHTY bless her 💯🙏🏼 pic.twitter.com/1RNuNVXA6v

Advertisement

— Shaan Shahid (@mshaanshahid) March 23, 2022

 شان شاہد کا کہنا تھا کہ کاش میں اپنی والدہ کو اسے پہنتے ہوئے دیکھ سکتا۔

اداکار نے لکھا کہ اللّہ تعالیٰ، میری والدہ کو اگلے جہاں میں بھی خوش رکھے آمین۔

واضح رہے کہ گزشتہ روز یومِ پاکستان کے موقع پر حکومت کی جانب سے اداکارہ نیلو بیگم کو ستارہ امتیاز سے نوازا گیا ہے۔

اداکارہ نیلو 1940 میں بھیرہ میں پیدا ہوئیں، 1956 میں فلم ’بھوانی جنکشن‘ میں بطور چائلڈ اسٹار کام کیا۔

اداکارہ فلم ڈائریکٹر مرحوم ریاض شاہد کی اہلیہ اور اداکار شان کی والدہ تھیں جبکہ ان کا اصل نام عابدہ ریاض تھا۔

نیلو بیگم کافی عرصے سے کینسر کے مرض میں مبتلا تھیں۔

انہوں نے کئی یاد گار فلموں میں فنِ اداکاری کے جوہر دکھائے جبکہ فلم ’سات لاکھ‘ کا گانا ’آئے موسم رنگیلے‘ نیلو بیگم کی پہچان بنا۔

اداکارہ نیلو بیگم گزشتہ برس لاہور میں انتقال کرگئی تھیں۔