جنوبی بھارت کی سپر اسٹار سمانتھا رتھ پرابھو نے لباس پر ٹرولنگ کرنے والوں پر برہمی کا اظہار کیا ہے۔

اداکارہ نے سوشل میڈیا پر یہ اہم پیغام ان افراد کے لئے لکھا ہے جو خواتین کے لباس سے ان کے بارے میں اندازہ لگاتے ہیں۔

حال ہی میں سمانتھا نے ممبئی میں فیملی مین ٹو کے ایک ایوارڈ شو میں قابل اعتراض لباس پہنا جس کے بعد انہیں شدید تنقید کا سامنا کرنا پڑا۔

اداکارہ نے کہا کہ خواتین کو ان کی پسند کے لباس پر تنقید کا نشانہ بنانا عجیب سی بات ہے۔

اداکارہ نے کہا کہ یہ 2022 ہے کیا ہم خواتین کو ان کی شرٹ کے دامن اور گلے کے ڈیزائن سے جانچنا بند نہیں کرسکتے اور اس کے بجائے مزید بہتری پر اپنی توجہ مرکوز نہیں کرسکتے۔

انہوں نے لکھا کہ بطور خاتون مجھے معلوم ہے کہ کس کو کیسے پرکھا جائے لیکن ہم خواتین کو ان کے لباس، نسل، تعلیم، سماجی مرتبے، ظاہری حلیہ (شکل و صورت)، جلد کی رنگت اور اس فہرست میں کافی کچھ ایسا ہے جس سے پرکھتے اور جانچتے ہیں۔