پاکستانی بلاگرز کی دنیا کے دو بڑے نام زید علی اور شاہ ویر جعفری نے معروف اسلامک اسکالر مولانا طارق جمیل سے ملاقات کی ہے۔

شاہ ویر جعفری نے فوٹو اینڈ ویڈیو شئیرنگ ایپ انسٹاگرام پر ایک تصویر پوسٹ کی ہے جس میں شاہ ویر اور زید کو مولانا طارق جمیل کی شخصیت کے سحر میں ڈوبے ہوئے دیکھا جاسکتا ہے۔

شاہ ویر نے مولانا طارق جمیل کی تعریف کرتے ہوئے کہا کہ آپ مذہب سے بڑھ کر پیار، محبت کی بات کرتے ہیں جن سے وہ بہت متاثر ہیں۔

دوسری جانب زید علی نے بھی اپنے انسٹا گرام اکاؤنٹ پر مولانا طارق جمیل کے ساتھ تصویر شیئر کی۔

انہوں نے اپنی پوسٹ کے کیپشن میں کہا کہ یہ میری زندگی کے بہترین لمحات میں سے ایک لمحہ تھا، مولانا طارق جمیل سے ملنا شاہ ویر جعفری کا بھی خواب تھا جو کہ اب پورا ہو گیا ہے۔