ہالی ووڈ کے معروف اداکار آرنلڈ شوارزنیگر نے روسی عوام کے لئے خصوصی پیغام جاری کیا ہے۔

اداکار نے سماجی رابطے کی ویب سائٹ ٹوئٹر پر روس اور یوکرین کے درمیان جاری جنگ کے پس منظر میں روس کے عوام کے نام خصوصی پیغام میں کہا کہ اس طرح کے واقعات کا ہونا پریشان کن ہے چاہے وہ دنیا میں کہیں بھی ہوں ان پر اپنی آواز اُٹھانی چاہئیے۔

I love the Russian people. That is why I have to tell you the truth. Please watch and share. pic.twitter.com/6gyVRhgpFV

— Arnold (@Schwarzenegger) March 17, 2022

آرنلڈ نے یہ پیغام روسی عوام کو روس اور یوکرین کے درمیان جاری جنگ کے حوالے سے چند حقائق بتانے کے لئے جاری کیا ہے جوکہ ان کے خیال میں روسی حکومت اپنے عوام سے چُھپا رہی ہے۔

اُنہوں نے کہا کہ وہ روس اور یوکرین کے درمیان جاری تنازع پر روسی عوام سے بھی اسی طرح سے بات کررہے ہیں جیسے اُنہوں نے امریکی عوام سے اس وقت کی تھی جب 6 جنوری کو امریکی حکومت کا تختہ الٹنے کے لئے مشتعل افراد کے ایک بڑے ہجوم نے یو ایس کیپیٹول پر حملہ کیا تھا۔

واضح رہے کہ گزشتہ روز یوکرین کے شہر چرنی ہیو میں روسی فوج کے حملے میں 3 بچوں سمیت 5 افراد ہلاک ہوئے جبکہ ماریوپول تھیٹر پر حملے میں کئی افراد کی ہلاکت کا خدشہ ظاہر کیا گیا ہے۔