بالی ووڈ کے مسٹر پرفیکشنسٹ عامر خان کا کہنا ہے کہ فلم ’’دی کشمیر فائلز‘‘ کی کامیابی کی بے حد خوشی ہے اور میرے خیال سے ہر ہندوستانی کو یہ تاریخی فلم دیکھنی چاہیے۔ 

بھارت کے نامور ہدایت کار وویک اگنی ہوتری کی فلم ’’دی کشمیر فائلز‘‘ 11 مارچ کو ریلیز ہوئی جسے بے حد پذیرائی مل رہی ہے اور دنیا بھر سے فلم کو بے پناہ محبت دی جارہی ہے جب کہ باکس آفس پر بھی فلم خوب راج کررہی ہے ، یہاں تک کہ 3 روز قبل اجے دیون گن کی ریلیز ہونے والی کمرشل فلم ’’بچن پانڈے‘‘ بھی اس فلم کی کامیابی کو نہ روک سکی۔

#BachchhanPaandey remains low over the weekend, mainly due to #TKF juggernaut that eclipsed the biz of *all* films… Did not witness growth on Day 3… Fri 13.25 cr, Sat 12 cr, Sun 12 cr. Total: ₹ 37.25 cr. #India biz. pic.twitter.com/XOQIs0CVtq

— taran adarsh (@taran_adarsh) March 21, 2022

دوسری جانب بھارت کے نامور فلمی تجزیہ کار اور ناقدین کی جانب سے بھی فلم کی کہانی کو بے حد سراہا گیا ہے اور اسے 4.5 کی ریٹنگ دی گئی ہے جو اب تک 167 کروڑ سے زائد کا بزنس کرچکی ہے۔

خیال رہے ’’دی کشمیر فائلز‘‘ جھوٹ اور پروپیگنڈے پر مبنی ایک فلم ہے جس کا مقصد پورے بھارت میں مسلم مخالف جذبات کو ہوا دینا ہے جب کہ فلم میں کشمیری پنڈتوں کے خلاف تشدد کے دعوؤں کو بڑھا چڑھا کر پیش کیا گیا ہے۔

#OneWordReview…#TheKashmirFiles: BRILLIANT.
Rating: ⭐️⭐⭐️⭐️½#TheKashmirFiles is the most powerful film on #Kashmir and the genocide and exodus of #KashmiriPandits… Hard-hitting, blunt, brutally honest… JUST DON’T MISS IT. #TheKashmirFilesReview pic.twitter.com/FPnw7OidMK

— taran adarsh (@taran_adarsh) March 11, 2022

یہ بھی پڑھیں: متنازع فلم “کشمیر فائلز” کی نمائش کے دوران مسلمان مخالف نعرے بازی

اس سے قبل بھارتی ریاست تلنگانہ کے شہر عادل آباد کا ایک سینما متنازع فلم ’’دی کشمیر فائلز‘‘ کی نمائش کے دوران پاکستان کے حق میں نعروں سے گونج اٹھا تھا جس پر انتہاپسندوں نے وہاں موجود مسلمانوں کو پیٹنا شروع کردیا۔

دوسری جانب بالی ووڈ کے مسٹر پرفیکشنسٹ عامر خان سے جب فلم ’دی کشمیر فائلز‘ سے متعلق پوچھا گیا تو انہوں نے جواب دیا کہ میں یہ فلم ضرور دیکھوں گا کیوں کہ یہ تاریخ کا ایک ایسا حصہ ہے جو ہمارا دل دکھاتا ہے کیوں کہ اس دور میں جو کشمیری پنڈتوں کے ساتھ ہوا، وہ بہت دکھی تھا۔

عامر خان نے کہا کہ اب اگر اس موضوع پر فلم بنی تو یہ ہر ہندوستانی کو دیکھنی چاہیے جب کہ اس فلم نے سب لوگوں کے جذبات کو ابھارا ہے ، خاص طور پر ان لوگوں کے جو انسانیت پر یقین رکھتے ہیں اور مجھے فلم کی کامیابی کی بے حد خوشی محسوس ہورہی ہے۔