ماضی کے معروف اداکار مسعود اختر طویل علالت کے بعد بیاسی برس کی عمر میں انتقال کر گئے، چند دن روز قبل مسعود اختر میں  پھیپڑوں کے کینسر کی تشخیص ہوئی تھی اور وہ  گزشتہ ایک ماہ سے لاہور کے اسپتال میں زیرعلاج تھے۔

مسعود اختر 5 ستمبرمیں 1940 میں ساہوال میں پیداہوئے جبکہ 1960  کی دہائی میں اسٹیج سے فنکارانہ زندگی کا آغاز کیا اور اپنی بہترین اداکاری کی بدولت مختصر وقت کے بعد اسٹیج کے مشہور اداروں میں شمار کئے جانے لگے جبکہ پاکستانی ٹیلیویژن کے لئے ان کی خدمات کسی تعرف کی محتاج نہیں انہوں نے کئی لازوال ڈراموں میں اداکاری کے جوہر دکھائے ساتھ ہی کئی فلموں میں بطور ولن یعنی منفی کردار ادا کئے۔

حکومت پاکستان کی جانب سے ان کی فنی خدمات کی بدولت 14 اگست 2005 کو صدارتی تمغہ برائے حسن کارکردگی سے نوازاگیا۔

مسعود اختر کے انتقال سے فن اداکاری کا ایک عہد ختم ہوگیا۔ ان کے انتقال پر ایگزیکٹوڈائریکٹر الحمراء ذوالفقار علی زلفی نےگہر ے دُکھ کا اظہارکیا اور کہا کہ مسعود اختر نے زندگی بھر فن کی خدمت کی، مشفق انسان تھے۔ کئی باری الحمراء کی کورننگ باڈی کا حصہ رہے، الحمرا کے لئے انکی خدمات مثالی تھیں۔

جبکہ ترجمان الحمراء مسعود اختر کے فن و شخصیت پر جلد نشست کا انعقاد کریں گے۔اللہ مرحوم کو اپنے جوار رحمت میں جگہ دے، لواحقین کو صبر جمیل عطا ء فرماے۔

واضح رہے کہ ان کے اکلوتے بیٹے کا انتقال بھی 5 ماہ قبل ہوا تھا جس کے بعد ان کی طبیعت ناساز رہنی لگی تھی۔

اداکار مسعود اختر کی نماز جنازہ بعد نماز عصر عثمان بلاک گلشن راوی میں ادا کی جائے گی۔