پاکستان کے نامور گلوکار فلک شبیر نے اپنی پسندیدہ ادکارہ کا نام مداحوں کو بتا دیا۔

گزشتہ روز گلوکار نے اپنے انسٹاگرام اکاﺅنٹ پر سوال و جواب کا ایک سیشن رکھا۔

اس دوران مداحوں نے گلوکار سے سوالات کیے جن کے انہوں نے دلچسپ جوابات دیے۔

ایک مداح نے ان سے سوال پوچھا کہ پاکستانی انڈسٹری میں اداکارہ سارہ خان کے علاوہ ان کی پسندیدہ اداکارہ کونسی ہیں؟

جواب میں فلک شبیر نے کہا کہ میری پاکستانی پسندیدہ اداکارہ نور ظفر خان ہیں،  ساتھ ہی انہوں نے لکھا کہ نور تم ایسی کیوں ہو۔

واضح رہے کہ گلوکار فلک شبیر کی شادی اداکارہ سارہ خان کے ساتھ 2020ء میں ہوئی تھی اور نور ظفر خان سارہ خان کی چھوٹی بہن اور فلک شبیر کی سالی ہیں۔