پاکستان کی خوبرو اداکارہ حنا الطاف نے اپنے شوہر و اداکار آغا علی کے لئے محبت بھرا پیغام جاری کیا ہے۔

اداکارہ نے فوٹو اینڈ ویڈیو شئیرنگ ایپ انسٹاگرام پر ایک تصویر پوسٹ کی ہے۔

انہوں نے اس تصویر کو شیئر کرتے ہوئے لکھا کہ پراگو میں آپ سے بہت پیار کرتی ہوں اور امید کرتی ہوں کہ آپ بھی مجھ سے پیار کرتے ہیں۔

حنا الطاف نے مزید لکھا کہ میرے ہونٹوں کے رنگ کو نظر انداز کریں کیونکہ مجھے یہ پسند ہے اور میں اس کے بغیر نہیں رہ سکتی۔

اداکارہ نے ساتھ ہی آغا علی کو کہا کہ بہترین فوٹوگرافر بننے کے لئے شکریہ۔

واضح رہے کہ پچھلے دنوں دونوں کے اکٹھے نظر نہ آ نے کی وجہ سے سوشل میڈیا پر مختلف افواہیں گردش کر رہی تھیں جن کا جواب اداکار نے ایک پوسٹ کے ذریعے دیا تھا کہ ہماری مرضی ہم جو مرضی کریں۔

اداکار آغا علی اور اداکارہ حنا الطاف کی شادی 2020ءمیں خاندان کے افراد کی موجودگی میں سادگی سے ہوئی تھی اور انہوں نے اپنی شادی کا اعلان انسٹاگرام اکاﺅنٹ پر تصاویر شیئر کر کے کیا تھا۔