پاکستان فلم و ڈرامہ انڈسٹری کے اداکار احسن خان اور اداکارہ ہانیہ عامر سوشل میڈیا صارفین کی جانب سے شدید تنقید کی زد میں آگئے۔

سوشل میڈیا سائٹ انسٹاگرام پر ہانیہ عامر اور احسن خان کی ایک ویڈیو وائرل ہو گئی ہے جس کے کمنٹ باکس میں مداح غصے کا اظہار کرتے نظر آرہے ہیں۔

ویڈیو میں ان دونوں اداکاروں نے کسی تقریب میں شرکت کی ،اس دوران ہانیہ عامر تصویریں بنوانے کے لیے ریڈ کارپٹ پر موجود ہیں جبکہ اچانک سے احسن خان بھی آجاتے ہیں اور اداکارہ کو دونوں بازوؤں سے پکڑ لیتے ہیں اور پر جوش انداز میں تصویریں بنوانے لگتے ہیں۔

ویڈیو وائرل ہوتے ہی انٹرنیٹ صارفین کی جانب سے تنقید کی جارہی ہے، انٹرنیٹ صارفین کا لکھنا ہے کہ سمجھ نہیں آتی کہ ہر کوئی ہانیہ عامر کو تصویر بنوانے کے لیے ایسے ہی کیوں پکڑتا ہے۔

متعدد صارفین کا یہ بھی کہنا ہے کہ ہانیہ عامر اداکار کے اس عمل سے خوش نظر نہیں آ رہی ہیں۔

واضح رہے کہ اداکارہ ہانیہ عامر کو اکثر و بیشتر ہی سوشل میڈیا صارفین کی جانب سے تنقید کا سامنا کرنا پڑتا ہے۔