بھارت کی معروف اداکارہ کرینہ کپور اپنی بہن و اداکارہ کرشمہ کپور اور بچوں تیمور اور جہانگیر کے ساتھ مالدیپ روانہ ہوگئی ہیں۔

پاپرازی کے آفیشل انسٹا گرام اکاؤنٹ پر اداکارہ کرینہ کی ایک ویڈیو شیئر کی گئی ہے۔

اس ویڈیو میں انہیں بیٹوں تیمور علی خان اور جہانگیر علی کےساتھ دیکھا جاسکتا ہے جبکہ دوسری جانب کرشمہ کپور بھی اپنی بہن سے بات کرتے ہوئے کیمرے کی طرف ہاتھ ہلا رہی ہیں۔

فوٹو گرافرز کے نامور گروپ پاپرازی کے مطابق کرینہ کپور اپنی بہن اور بچوں کے ہمراہ ممبئی سے مالدیپ کے لئے روانہ ہوئی ہیں۔

یاد رہے کہ اداکارہ کرینہ کپور بہت جلد اپنی نئی فلم لال سنگھ چڈھا میں اداکار عامر خان کے ساتھ اداکاری کے جوہر دکھاتے نظر آئیں گی۔