معروف ہالی ووڈ اداکار ٹام کروز نے اپنی نئی فلم ٹاپ گن ماویرک کا نیا ٹریلر شیئر کردیا۔

اداکار نے اپنے آفیشل اکاؤنٹ انسٹاگرام پر فلم کا نیا ٹریلر شیئر کرتے ہوئے لکھا کہ یہ ٹاپ گن ماویرک کا نیا ٹریلر ہے، تھیٹر میں ملتے ہیں۔

فلم کے اس ٹریلر کو انسٹاگرام پر صرف 16 گھنٹوں میں 8 لاکھ 34 ہزارسے زائد لوگ دیکھ چکے ہیں۔

ٹام کروز کے مداح ان کی فلم ٹاپ گن ماویرک کو سنیما گھروں میں دیکھنے کے لیے بے چین ہیں۔

ایک صارف نے کہا کہ فلم کے اور کتنے ٹریلرز ہیں، فلم کہاں ہے۔

واضح رہے کہ فلم ٹاپ گن ماویرک 1986 میں ریلیز ہونے والی فلم ٹاپ گن کا سیکوئل ہے جبکہ فلم کے اس سیکوئل میں ٹام کروز کی بطور نڈر فائٹر پائلٹ اپنے کیرئیر کے آغاز کے 30 سال سے زائد عرصے کے بعد واپسی دِکھائی گئی ہے۔

1986میں ریلیز ہونے والی فلم ٹاپ گن کے باکس آفس پر ہٹ ہونے کے کئی دہائیوں بعد اس کا سیکوئل پیش کیا جارہا ہے۔

اس سیکوئل  میں اداکار مائلز ٹیلر کو انتھونی ایڈورڈز کے پائلٹ گوز کے بیٹے کے کردار میں دکھایا گیا ہے، جوکہ اصل فلم میں تربیتی مشق کے دوران مارا گیا تھا۔