پاکستان شوبز انڈسٹری کی معروف جوڑی اداکارہ سجل علی اور احد رضا میر نے اپنی شادی کی دوسری سالگرہ نہیں منائی جس کے بعد سوشل میڈیا پر نئی بحث چھڑگئی۔

گزشتہ روز سجل علی اور احد رضا میر کی شادی کی دوسری سالگرہ تھی جس پر اس جوڑی نے اپنے اکاؤنٹس پر نہ کوئی پوسٹ شئیر کی اور نہ ہی اِن کی سالگرہ مناتے ہوئے انٹرنیٹ پر کوئی ویڈیو سامنے آئی۔

اس جوڑی کی جانب سے مکمل خاموشی پر سوشل میڈیا پر نئی بحث شروع ہو گئی ہے۔

کچھ انٹرنیٹ صارفین کا کہنا ہے کہ اُن کی نجی زندگی ہے اُن کی مرضی جبکہ کچھ کا کہنا ہے کہ اس جوڑی کو نظر لگ گئی ہے، اس لئے اب یہ جوڑی ایک ساتھ نہیں ہے۔

واضح رہے کہ اس سے قبل بھی اس جوڑی میں علیحدگی کی خبریں زیر گردش رہی ہیں۔

اس سال کے آغاز میں سجل علی کی چھوٹی بہن اداکارہ صبور علی کی شادی میں بھی سجل علی اکیلی نظر آ رہی تھیں۔

صبور علی کی شادی میں احد رضا میر یا اُن کے گھر والوں نے شرکت کرنے کے بجائے دبئی کی کسی شادی میں شرکت کی تھی۔